NORMATIVA PARA A PRESENTACIÓN DE COMUNICACIÓNS LIBRES
Recoméndase os/as autores ler atentamente a Normativa e seguir as instrucións que se detallan, antes de redactar o resumo e/ou traballo completo. O resumo e/ou traballo completo que non cumpra os criterios requiridos non será admitido.
NORMAS XERAIS:
- Poderán presentarse traballos orixinais aínda que se teñan publicado en revistas, congresos ou noutras xornadas, coa excepción daqueles que desexen optar a premio, neste caso só se admitirán os orixinais que non se teñan publicado con anterioridade.
- As Comunicacións (resumo e/ou texto completo) só poderán enviarse utilizando os FORMULARIOS incluídos na páxina web das Xornadas. Unha vez enviadas, consideraranse definitivas e, polo tanto, non se permitirán modificacións a posteriori.
- O autor ou autora responsabilizase do contido do traballo e, polo menos, un dos asinantes deberá estar inscrito nas Xornadas AGEFEC.
- Os traballos presentados deberán estar enmarcados dentro do contexto e papel da Enfermaría de Atención Primaria.
- As Comunicacións serán avaliadas polo Comité Científico e a súa decisión, non poderá ser obxecto de apelación ou reclamación.
- Aínda que o autor ou autora deberá indicar si opta por Comunicación oral ou póster, AGEFEC resérvase o dereito a reclasificala, en función da avaliación realizada polo Comité Científico ou por motivos organizativos. A resolución será notificada ao e-mail da persoa que remita a Comunicación.
- No caso de notificación de aceptación por parte do Comité, esta non será definitiva ata que o pago da cota de inscrición sexa xustificado e que deberá terse realizado nos 10 días posteriores á mesma.
- Todas as Comunicacións poderán optar a Premio, si así o indica o autor ou autora no campo correspondente ao remitir o resumo da Comunicación, debendo asegurarse de que cumpre os requisitos establecidos.
- As Comunicacións aceptadas polo Comité Científico pasarán a formar parte das Actas da Xornadas. Todos os/as autores/as con Comunicacións aceptadas AUTORIZAN de forma implícita, a súa publicación nos medios que AGEFEC considere mais axeitados para a divulgación das mesmas. Os/as autores/as conservan os dereitos de copyright pero autorizan a súa publicación gratuíta.
- Polo tanto os/as autores ao presentar os seus traballos, comunicacións orais ou póster, entenden que iso implica a aceptación das normas establecidas polo Comité Organizador e/ou polo Comité Científico.
CRITERIOS DE AVALIACIÓN DOS TRABALLOS:
Na primeira etapa, que será antes das Xornadas, avaliaranse os resumos presentados, sendo determinante para a admisión ou non do traballo os seguintes criterios de avaliación:
- Estrutura: Está ben estruturado seguindo as normas das Xornadas.
- Prioridade: O tema está dentro do marco da temática das Xornadas.
- Enfoque: Coherencia entre título, metodoloxía e conclusións. Boa orientación e ben dirixido cara os resultados.
- Orixinalidade e aplicabilidade: O traballo é orixinal e aporta coñecementos novos e aplicables.
- Relevancia: O traballo, ademais, de estar dentro do marco da Enfermaría de Atención Primaria e Comunitaria ten características relevantes que o diferencian.
- Introdución: Descríbense de xeito claro os antecedentes da temática. Razoase a intencionalidade do traballo. Explícase a aplicabilidade tanto hipotética como real.
- Obxectivo: Está claramente definido. Describe as condicións baixo as cales se debería cumprir.
- Material e método: Son axeitados para acadar o obxectivo que se propón.
- Resultados e conclusións: Nivel de concordancia entre os resultados e os obxectivos. As conclusións son coherentes cos resultados.
- Bibliografía: Axustase ao recomendado na normativa xeral das Xornadas.
- Redacción: Clara e concisa.
Na segunda etapa, durante as Xornadas, avaliarase a defensa oral. O Comité Científico será quen determine os traballos gañadores de premio.
PREMIOS:
COMUNICACIÓNS ORAIS. Outorgaranse tres premios:
- 1º PREMIO: 200 €
- 2º PREMIO: 150 €
- 3º PREMIO: 100 €
COMUNICACIONES PÓSTER. Outorgarase un único premio de 150 €
PRESENTACIÓN DE RESUMOS
DATAS DE ENVÍO
Deberán ser enviados mediante o sistema on-line de presentación de Comunicacións (resumos).
- A data límite para presentar os resumos será o sábado 3 de setembro de 2016.
- A data límite para comunicar a aceptación ou rexeitamento, por parte do Comité Científico, será o venres 23 de setembro de 2016.
- A data límite para remitir os traballos completos será o mércores, 5 de outubro de 2016.
FORMATO
Os resumos deberán respetar o seguinte formato de presentación:
- Non poderán superar os 3.000 carácteres incluídos os espazos (excluíndo título e autores).
- O titulo deberá ir en maiúsculas, sen abreviaturas, en negriña e como máximo ocupará dúas liñas. O tipo de letra recomendado é o formato Arial 12 con interliñado sinxelo.
- Admítense ata un máximo de 6 autores, identificados/as con dous apelidos seguidos do nome (exemplo: Pérez Martínez, José, Fernández González, María). Mediante superíndices, indicarase a categoría profesional e lugar de traballo. A persoa que presente a Comunicación identificarase como autor/a e deberá incluír un teléfono e enderezo electrónico de contacto.
ESTRUCTURA
- Introdución.
- Obxectivos.
- Método.
- Resultados.
- Discusión/conclusións.
- Bibliografía (estilo Vancouver).
Caso clínico:
- Introdución
- Exposición do caso
- Discusión/conclusións
- Bibliografía (estilo Vancouver).
O tipo de letra recomendado é o formato Arial 12 con interliñado sinxelo salvo entre parágrafos.
PRESENTACIÓN DE COMUNICACIÓNS (Texto completo)
Os textos completos deberán ser enviados mediante o sistema on-line de presentación de comunicacións, antes do 30 de setembro do 2016.
Aínda que se aceptara o resumo, se o texto completo non respecta o regulamento de confección será rexeitado.
A Secretaría Técnica indicará ao/á autor/a, mediante e-mail, lugar, data e hora da presentación.
FORMATO COMUNICACIÓN ORAL
- O idioma para os traballos poderá ser Galego ou Castelán e deberán remitirse en formato tipo Word ou Open-Writer.
- A estrutura será a mesma que se recomenda para os resumos.
- Os traballos completos, deberán axustarse ao formato de artigo científico (máximo 4.500 palabras).
- Ao incluír as referencias bibliográficas debe usarse o formato normalizado estilo Vancouver.
- O sistema de apoio para a visualización das Comunicacións será o formato de Power-Point ou Open-Office.
- A primeira diapositiva deberá incluír a imaxe das Xornadas Descargar aquí, así como o título e autoría da Comunicación.
- O/a autor/a deberá ter entregada a súa presentación audiovisual antes do comezo das Xornadas.
- O tempo máximo para defender a Comunicación será de 10 minutos e deixarase un tempo ao remate de cada quenda para posibles preguntas ou debate. AGEFEC poderá, por motivos de organización e previa comunicación aos interesados, facer cambios ou modificacións no relativo aos tempos de exposición.
FORMATO COMUNICACIÓN PÓSTER
Para a presentación de Comunicacións Póster rexerán as mesmas normas xerais que para as Comunicacións Orais.
- Só se permitiran Póster en formato dixital.
- O póster constará como máximo de 4 diapositivas, incluída a portada.
- A estrutura será a mesma que se recomenda para os resumos.
- Por motivos técnicos o tipo de pantalla que se empregará a visualizar os pósteres é de formato horizontal (de 55 polgadas). Polo tanto a presentación dos pósteres debe adaptarse a este formato de 16:9 (horizontal panorámico).
- O/a autor/a deberá ter entregada a súa presentación audiovisual antes do comezo das Xornadas
- A defensa do póster só terá lugar se o mesmo opta a premio.
A Secretaría Técnica indicará ao autor/a, mediante e-mail, lugar e hora para a súa defensa, que non será superior en tempo aos 5 minutos.
SISTEMA DE PRESENTACIÓN DE COMUNICACIÓNS
Cubra o seguinte formulario. Os campos marcados con (*) son obrigatorios. Ante calquera incidencia, consulte coa Secretaría Técnica.